Денес градоначалникот Дарко Костовски заедно со претседателот на Владата Христијан Мицкоски и вицепремиерот Александар Николоски извршија увид во градежните активности на историскиот проект за изградба на водовод за Љубанци и Љуботен.
Многумина не се ни обидоа, многумина не веруваа, но по 30 години лажни ветувања денес овој проект е реалност.
Пред 4 години градоначалникот го вети овој проект и денес зборот го одржа.
Општина Бутел ја подготви целата проектна документација и макотрпно работеше на овој проект.
Владата на Република Македонија преку Министерството за транспорт и врски обезбеди 110.000.000 денари за реализирање на еден од најголемите капитални проекти а тоа е водоснабдување на селата Љубанци и Љуботен со чиста вода за пиење од градскиот водовод.
Градоначалникот изрази благодарност до претседателот на Владата на Република Македонија Христијан Мицкоски, до вицепремиерот и министер за транспорт и врски Александар Николовски за големата поддршка која ја дадоа за реализација на овој исклучително значаен проект.
Исто така, градоначалникот изрази благодарност и до жителите на селата Љубанци и Љуботен кои даваат голема поддршка и ја видоа искрената заложба за овој проект конечно да се реализира.
